Të paktën 62 persona janë vrarë dhe 584 janë plagosur pasi një cunami goditi bregun në Sunda Strait të Indonezisë, thonë zyrtarët e qeverisë.

Agjencia e menaxhimit të fatkeqësive të vendit thotë se qindra ndërtesa u dëmtuan nga cunami i së shtunës.

Agjencia thotë se shkaku i mundshëm i cunamit ishte rrëshqitje e dheut në det, pas shpërthimit të vullkanit Krakatoa.

Ngushtica ndodhet midis ishujve Java dhe Sumatra dhe lidh Detin Java në Oqeanin Indian. Agjencia paralajmëroi se numri i të vdekurve pas cunamit, që goditi të shtunën rreth orës 21:30 me orën lokale, ka gjasa të rritet më tej.

Vdekjet janë raportuar në rajonet Pandeglang, Lampung dhe Serang. Rebecca Henschke e BBC-së në Indonezi tha se kishte raporte që numri i të vdekurve në provincën Lampung mund të ishte në qindra.