Për kryetarin e qeverisë hungareze, George Soros është armiku kryesor i shtetit hungarez. Tani miliarderi me origjinë hungareze vendos të largohet nga Budapesti e të shkojë në Berlin.
Shoqëria e Hapur e fondacionit Soros do të mbyllë zyrat e saj në Budapest dhe pritet të hapë një degë të re në Berlin. Kjo pritet të realizohet në verë bën të ditur gazeta austriake, “Die Presse”.
Kreu hungarez, Viktor Orban e bën përgjegjës miliarderin George Soros për një plan të organizuar për infiltrimin në Europë të emigrantëve myslimanë nga Afrika dhe Lindja e Afërt. Institucionet, që miliarderi financon, ndër to Universiteti Qendror Europian në Budapest, sipas Orban, janë vetëm një mjet për të arritur këtë qëllim.
Në verën e vitit 2017 në të gjithë Hungarinë gjeje pllakate “Stop Soros” me paralajmërime nga 87 vjeçari. Një ligj përkatës me emrin “Stop Soros” me gjasë do t’ua bëjë më të vështirë punën organizatave joqeveritare në Hungari.
