Teksa kryeministri Edi Rama vijon fushatën nëpër Shqipëri i bindur se më 30 Qershor do të ketë zgjedhje, kryetari i PD, Lulzim Basha mendon të kundërtën.
Përmes një postimi në Facebook, lideri i Opozitës shprehet se 30 qershori do të jetë varrimi politik i kryeministrit Edi Rama.
Ndërkohë nuk mungon thirrja për protestën e 21 Qershorit, e nënta kombëtare për Opozitën e Bashkuar që prej 16 shkurtit.
“30 qershori është varreza politike e Edi Ramës, shokut të Avdylajve dhe bandave të krimit. Shqiptarët janë ngritur në këmbë në betejën kombëtare për Shqipërinë si gjithë Europa. Boll më me Shqipërinë që duan vetëm ata! Tani është koha për Shqipërinë e të gjithë shqiptarëve! Asnjë hap pas! #21qershor”, shkruan Basha në postimin e tij.
