Pa mbërritur ende vjeshta kur kompania ajrore 'Air Albania' pritet të rinisë fluturimet drejt Evropës, kjo sipas fjalëve të kryeministrit Edi Rama, janë hedhur hijet e para të dyshimit mbi lidhjen Rama- 'Air Albania'

Ish-deputeti i Partisë Demokratike, Genc Pollo akuzon Ramën për favorizimin e një miku të tij, i cili sipas tij, ka marrë 41% të aksioneve të avionit të dytë të “Air Albania”, pa ivestuar asnjë qindarlë.

“Ajo që mbetet pa thënë është se 41% të aksioneve të “kompanisë ajrore kombëtare” të Shqipërisë e posedon njê “mik” i KM Rama. I ka marrë këto 41% pa investuar gjë e “pa hudh ndonji lek”. Air France, Lufthansa, British Airëays e Alitalia janë themeluar fill pas L2B nga qeveritë përkatëse si kompani ajrore kombëtare me pronësi 100% shtetërore. Shefi i qeverisë së  Francë, Gjermanisë, Britanisë e Italisë, asokohe nuk do kishte menduar e jo më guxuar t’i falte aksione ndonjë “miku”. Për më tepër shteti shqiptar posedon vetëm 10% në Air Albania”, shkruan Pollo në postimin e tij në Facebook.