Ashtu si në 1945, e keqja dhe zezona mbërriti me një miratim shumë të gjerë kombëtar dhe ndërkombëtar .
Ashtu si në 1945 , retë e zeza mbuluan kombin dhe sot pas dy mandatesh të rilindjes së Bllokut, "udhëheqësi" e ka lënë popullin e tij në shpopullimin më të madh me përmasa eksodi ,e ka lënë "udhëheqësi" të uritur, të vrarë thellë me varfërinë dhe mungesën e mundësive dhe varfëria të heq çdo grimcë personaliteti apo integriteti .

Të bën kokëulur ,te vret , dhe pamundësia dhe pasojat që ajo sjell dhembin der në palcë. E la sërisht larg vendin e tij nga kontinenti mëmë duke ja përplasur Europa derën në fytyrë "udhëheqësit" dhe sektit të tij.
Droga dhe krimi janë ulur këmbëkryq dhe pandemia po vret jetët njerëzore dhe jo vetëm prej saj varfëria po bën kërdinë.

"Udhëheqësi" i sektit të rilindjes mbasi pa që poturet ,batutat që fyejnë kombin dhe popullin e tij, veshjet me Adidas në evenimente zyrtare ,ndërkombëtare, kollaret me topa ,transaksionet me pikëpyetje nuk po jepnin me rezultat ,dhe gjeti Forbes për të goditur sërisht popullin e tij ,por edhe Europën. Kjo e fundit për Bllokun e vjetër dhe Rilindjen e Bllokut të ri është si drita e diellit për vampirët.
Udhëheqësi dhe sekti i tij duan të na çojnë në shkretëtirat e Anadollit , Europën asnjëhere nuk e ka dashur ,perëndimin jo ,komplekset e jetës së tij për poshtë urat e Parisit apo faktin që nuk qullosi asgjë në perëndim ja egersojne me shumë bezdisjen ndaj saj . Por siç e ka zakon për t'u shfaqur me një make up tjetër në perëndim guxoi të përmendte edhe Francois Mitterand.
Një njeriu te dale nga kanalet e dyshimta të bllokut i duket se meqense përmend një gjeni të Francës dhe jo vetëm të saj në politikë mund të hedhi ndonjë cik parfum France me aromën e heroinës dhe kokainës që ka mbytur sektin e tij dhe vendin.

Deliri nuk njeh me kufij . Citon thënien e Mitterrand se liderët janë të vetmuar , se gjenialitetin e këtij udheheqesjëzuesi , të një sekti shume te rrezikshëm për fatet e vendit e të kombit nuk na e kuptuakan dot shqiptarët . Vanitoz dhe patetik!
Njeriu që futi krimin në parlament ,njeriu që forcoi lidhjet e krimit të organizuar me shtetin , njeriu që e ktheu Shqipërinë në një zonë operacionale të rëndësishme të kokainës dhe heroinës nga Turqia Kolumbia e Ekuadori ,njeriu që parcelat e bukës i zëvendësoi me hashashin ,njeriu që harxhon 20 milion euro për një km rrugë ( korrupsioni i Unazës së Re është i pashembullt në çdo vend të Europës ), njeriu që nepermjet Dritan Agollit të Fondit Shqiptar të Zhvillimit i jep Safet Gjicit 37 mln dollarë të banorëve te demtuar nga tërmeti që dhe sot ne në këto temperatura të ulëta janë nëpër çadra, njeriu që mer charterat sa here ka qejf për xhiro me Ahmetajn , njeriu që shkatërroi sistemin e drejtësisë dhe la vendin pa Gjykatë Kushtetuese pa Gjykatë të Lartë ,njeriu që i kapet ministri brendshëm që përdor makinën e shtetit për trafik droge në bashkëpunim me një grup të strukturuar kriminal, na dashka që t'a mirekuptojne shqiptarët këtë lloj gjenialiteti "kur vetë ata jetojnë me më pak se 1 dollarë në ditë .

Nuk është se nuk ka fare të drejtë. Një lloj gjenialiteti është ky i së keqës, të bësh të gjitha këto , se nuk kemi përmendur as inceneratoret dhe nuk kemi hyrë tek Lavatricja e drogës së Tiranës tek Veliaj dhe ca zullume të tjera .
Të bësh të gjitha këto dhe të marrësh dy mandate e të kërkosh të tretin jo vetëm që të kap deliri ,por guxon të përmendësh dhe Miterrand e të krahasosh veten me të. Në çdo vend të botës këtë lloj udhëheqësi e kishin rrëzuar për një jave në vendet perëndimore ,me nje përqindje të vogël lëvizi akciza e naftës dhe Parisi ishte në flakë ,e presidenti Macron u tërheq dhe i kërkoi falje popullit të tij .
Ka një problem kur përmend atë thënien e Mitterrand ,ti je i vetmuar por jo lider . Për të parin je shumë koshient dhe e di shumë mirë që e gjithë garnitura që të rri sot rrotull e të bën fresk politike, ekonomike apo mediatike , e kanë me katër këmbët e karriges tënde ,jo me ty.
Ashtu si në 1945 lëvize me një naivitet kombëtar apo ndërkombëtar për të besuar tek një ndryshim i cili nuk ekziston me

Kurse lider nuk ke qenë asnjë ditë .

Stemën e Partisë Socialiste tu desh dhe e more me transaksione, nuk e more as me vizion as me program.
Lidershipi do të tjera karakteristika nga ato që ke ti. Ti erdhe si një prurje e një skeme jo në favor të interesave shqiptare në rajon dhe loja e turpshme që deshe të bëje me Kosovën vërtetoi me shume se kaq .
Ti je i vetmuar, por jo lider dhe jo se nuk të kuptojnë por nuk të duan dhe ti kete e di .