Igli Tare ka treguar që është një nga drejtorët më të aftë të kampionatit italian. Ai është vlerësuar disa herë si drejtori sportiv më i miri i Serie A. Në listën e Tares këtë sezon janë disa emra dhe tashmë marrëveshja e parë është drejtë përfundimit. Drejtori sportiv i Lazios ka kontaktuar me agjentët e mbrojtësit shqiptar që luan për Danimarkën Riza Durmishi.
Sipas raportimeve të fundit nga mediat italiane Hasan Cetinkaja dhe Kenan Mert, agjentët e mbrojtësit kanë mbërritur në Romë, ku pritet të ulen në tryezë me drejtuesit e Lazios. Transferimi pritet të kushtojë 6.5 milion euro. Kartoni i Durmishit është në duart e Real Betis në Spanjë, por shumë shpejtë 24- vjeçari do të jetë pjesë e Lazios.
