Kryetarja e LSI, Monika Kryemadhi ka publikuar në Facebook nëntë premtimet kryesore të pambajtura nga kryeministri Edi Rama. Duke ju referuar deklaratës së ish-ministres Klajda Gjosha për këto premtime, Kryemadhi shprehet se duhet t’u kujtojmë njerëzve mashtrimet e qeverisë, që më pas ata të gjykojnë vetë.
“Shumë e vërtetë Klajda! Janë jo vetëm këto 9, por edhe shumë premtime të tjera që ai nuk i ka mbajtur. Edhe dështimi që po shohim sot me Integrimin Europian ka ardhur si pasojë e tyre. Është mirë t’ua kujtojmë njerëzve, në mënyrë që ata të gjykojnë vetë mbi atë çfarë ai ka premtuar dhe çfarë ka realizuar për të mbajtur pushtetin”,- shkruan Kryemadhi në një postim në Facebook.
