Edi Rama e ka marrë me qetësi reagimin ndaj skandalit që i plasi me njeriun kyç të qeverisë. Një javë pas akuzave të Partisë Demokratike për ministrin e Brendshëm Fatmir Xhafaj, se ky i fundit mbron vëllain e tij Agron Xhafaj, pasi pretendohet se është i lidhur me trafikun e drogës, vjen reagimi i kryeministrit Edi Rama.

Rama pohon se për këtë çështje do të flasë nesër në orën 11:00 para grupit parlamentar. Por në vend që ta quajë një skandal, Rama flet për diçka të zakonshme që e konsideron situatë që duhet një reagim. Por në të vërtetë akuzat mbi ministrin e tij janë të renda. E para që ai nuk ka zbatuar ligjin për të njoftuar autoritetet italiane se është në dijeni se i dënuari me 7.2 vite burg për trafik ndërkombëtar droge, vëllai i tij Agron Xhafaj, ndodhet në Shqipërio e konkretisht në Vlorë. E dyta që ka përdorur postin si kreu i Komisionit të Ligjeve për të falsifikuar Kodin e Procedurës Civile duke shtuar një nen që ndalon ekstradimin e të vëllait drejt Italisë.

Dhe e treta, ka të bëjë me audiopërgjimin e publikuar, ku Agron Xhafaj tregoi se ushtron aktivitetin e trafikut të lëndëve narkotike.

Më poshtë lexoni disa prej komenteve të qytetarëve mbi postimin e Ramës: