Një incident ka ndodhur pak minuta pas mbarimit të takimit të kryeministrit Edi Rama me qytetarët në Belsh. “BalkanWeb” publikoi videnon dhe lajmin se një punonjës i gardës është rrëzuar aksidentalisht duke pësuar lëndime. 

Punonjësi i gardës ra nga një lartësi rreth 2 metër në afërsi të podiumit. Të pranishmit kanë dëgjuar një zhurmë të fortë, teksa më pas kanë parë efektivin përtokë. Ai u transportua me urgjencë në qendrën shëndetësore në Belsh por nuk dihen ende detaje për gjendjen e tij shëndetësore.

Video e mëposhtme sjell momentet e para pas ngjarjes, ndërsa vihet re kaos e shqetësim tek të pranishmit.