Kryeministri Edi Rama prej kohësh në mënyrë të vazhdueshme ka deklaruar se në Shqipëri nuk mbyllet me kanabis.

Por duket se ky pretendim është mashtrimi i radhës i Edi Ramës, pasi vetëm ditën e djeshme, policia e Shtetit, bashkë me Prokurorinë e Krujës kanë asgjësuar 2,080 bimë Cannabis Sativa.

Lajmi është bërë me dije ditën e sotme nga vetë policia, e cila ka njoftuar edhe se ka vënë në pranga 3 persona, ndërsa ka shpallur në kërkim një të katërt.

Të arrestuarit janë Ferdjan Zalla 33 vjeç, Mondi Zalla 42 vjeç dhe Arben Babasi 42 vjeç, të tre banues në Fushë – Krujë, ndërsa G.Sh. 42 vjeç, është shpallur në kërkim.

Personat e mësipërm, në bashkëpunim me njëri- tjetrin dhe me persona të tjerë, në vendin e quajtur Krastë kanë kultivuar në disa ambiente të hapura në brendësi të pyllit 2,080 bimë narkotike Cannabis Sativa.

Po ashtu, edhe në Njësinë Administrative Nikel, në ambient të pyllëzuar gjetën dhe asgjësuan 675 bimë Cannabis Sativa, por për këtë rast policia thotë se nuk dihen ende autorët.

/55News.al/