KLSH ka kallëzuar në prokurori ish-Drejtorin Ekzekutiv të Autoritetit të Aviacionit Civil, Feliks Baçi.
Sipas njoftimi të shpërndarë nga vetë KLSH mësohet se nga auditimi rezultoi që dëmi ekonomik që i është shkaktuar buxhetit të AAC, dhe njëkohësisht atij të Shtetit, arrin në vlerën 48 milionë lekëve dhe efekti negativ financiar arrin në vlerën 30 milionë lekëve.
Kontrolli i Lartë i Shtetit, në zbatim të programit të auditimit 1312/1, datë 22.12.2017, ka audituar Autoritetin e Aviacionit Civil Shqiptar (AAC) për periudhën Janar 2016 deri më Dhjetor 2017, në përfundim të të cilit, me shkresën nr. 1312/24 datë 02.05.2018 i ka përcjellë AAC gjetjet, konkluzionet dhe rekomandimet përfundimtare të Vendimit nr. 38, datë 30.04.2018 të Kryetarit të KLSH.
Autoriteti i Aviacionin Civil, është institucioni përgjegjës për mbikëqyrjen e transporti ajror ne Republike e Shqipërisë, dhe funksionon në zbatim të Ligjit nr. 10040, datë 22.12.2008 “Kodi ajror i Republikës së Shqipërisë”.
