Policia e Kukësit ka vënë në pranga në Morinë, një 31-vjeçar nga Tirana të shpallur në kërkim pasi është dënuar për mashtrim me 11 vjet.
Burimet policore bëjnë me dije se Arban Kishta u kap në dalje të Morinës gjatë përpunimit të dokumentacionit, ku në sistemin TIMS rezultoi person në kërkim.
Policia e Kukësit njofton se: “Prokuroria e Rrethit Gjyqësor Tiranë me shkresë Nr.2361, datë 30.03.2018, ka urdhëruar ekzekutimin e vendimit penal Nr.870, datë 23.03.2016, të Gjykatës së Rrethit Gjyqësor Tiranë, si dhe vendimin penal Nr.534 datë 06.03.2018 të Gjykatës së Apelit Tiranë, të cilin e ka dënuar me 11 vjet burg për veprën penale “Mashtrimi kryer në bashkëpunim”, parashikuar nga neni 143/2 të Kodit Penal. Shtetasi Arban Kishta, ju dorëzua DVP Tiranë për veprime të mëtejshme”.
