Ekonomia dhe tregjet e Turqisë pritet të kenë luhatje ndërkohë që investitorët po monitorojnë lëvizjen e ardhshme të Presidentit Recep Tayyip Erdogan, pasi fitoi zgjedhjet ditën e Diel.

Vend po përballet me disa probleme si rënia e madhe e lirës, inflacionin në mbi 12% nga 5% që është objektivi dhe me idenë që Erdogan po cenon pavarësinë e Bankës Qendrore.

Duke shtuar shqetësimet, Erdogan që është në pushtet që prej vitit 2003 dhe zgjeroi fuqitë e tij në votimin e së Dielës, ka kërkuar gjithnjë një rritje të fortë ekonomike, sa do të mëdha që të jenë kostot.

Ai ka frenuar rritjen e normave të interesit, duke bërë thirrje për politika monetare që i japin prioritet rritjes ekonomike, në vend të kontrollit të inflacionit. Sipas analistëve kjo do të sjellë ndikime më të mëdha në aktivet e Turqisë.

Sipas tyre, efekti pozitiv pas zgjedhjeve pritet të jetë i përkohshëm dhe tregjet do të nisin dobësimin nëse masat politike nuk trajtojnë inflacionin e lartë dhe varësinë nga jashtë.

Banka Qendrore nuk ka rritur mjaftueshëm normat e interesit si në vendet e tjera, për shkak se guvernatori është përqendruar te rritja e PBB e jo te inflacioni dhe stabiliteti i valutës.

Sipas analistëve, 2 çështje kryesore se ku Qeveria turke duhet të fokusohet janë zgjidhja e sfidave makroekonomike dhe heqjen e dyshimeve që Banka Qendrore nuk është e pavarur.

Presidenti, që e ka quajtur veten “armiku i normave të interesit”, ka parandaluar çdo përpjekje për tkurrje monetare.