Detaje të reja dalin në lidhje me përplasjen me armë të ndodhur në orët e vona të mbrëmjes në Tiranë.

Tre persona kanë mbetur të plagosur, ndërsa njëri prej tyre ndodhet në gjendje të rëndë shëndetësore.

Personat e plagosur janë Rivelino Mumajesi, 36 vjeç, Ibrahim Durollari, 28 vjeç dhe

Juxhin Mumajesi, 24 vjeç.

“Më datë 28.06.2018, rreth orës 23:54 në rrugën “Aleksandër Moisiu”, kanë mbetur të plagosur me armë zjarri nga persona ende të paidentifikuar, shtetasit J. M., 24 vjeç, R. M., 36 vjeç dhe I. D., 28 vjeç.

Shtetasit e dëmtuar aktualisht ndodhen në spital ku po marrin ndihmë mjekësore (dy nga të dëmtuarit ndodhen jashtë rrezikut për jetën, ndërsa një në gjendje më të rëndë shëndetësore), njofton policia.

Po punohet identifikimin dhe kapjen e autorëve dhe për zbardhjen e shkakut dhe rrethanave të ngjarjes.