Kur po mbushet java nga përmbytja e sheshit “Skënderbej”, ende nuk ka një përgjigje as nga kryeministri i bashkisë së madhe dhe as nga kryetari i bashkisë kryeministër. Dy konkurrentët agjitativë, Rama e Veliaj, të kudogjendur për tellall propagandë e qoka, nuk nxorën asnjë fjalë për dëmin e pallogaritshëm që i sollën vendit me përmbytjen e Biblitekës Kombëtare dhe të Bashkisë së Tiranës, ku tashmë regjistrat historikë të gjendjes civile do i kemi vetë si relike të shkatërruar muzeale, pa na dëshmuar asgjë nga përmbajtja e tyre. Ku janë pra këta shkatërrimtarë. Pse ia bënë vendit këtë të keqe për disa depozita uji nëntokësore dhe për një shesh që është një parking i madh me disa pllaka sipër.