Zbardhen dëmet e shkaktuara nga tërmeti i fuqishëm me magnitudë 5.1 dhe epiqendër në Durrës.

Lëkundjet e forta u ndjenë në të gjithë vendin, duke shkaktuar panik dhe frikë, aq as banorët lanë çdo gjë dhe dolën në rrugë për të shmangur më të keqen.

Fatmirësisht, nuk pati dëme në njerëz, por vetëm pasoja materiale.

Kështu, në Tiranë është plasaritur muri i sallës ku zhvillohen mbledhjet e Komisionit të Ekonomisë.

Në Elbasan raportohet se janë çarë muret e një pallati, ndërsa në Durrës janë dëmtuar dy banesa private. Në Thumanë të Krujës është shembur totalisht një banesë, ndërsa në një pallat në qytet ka patur çarje. Kurse në qytetin e Laçit janë shënuar vetëm thyerje xhamash në disa banesa.

Prefektja e Durrësit, aty ku ishte edhe epiqendra e tërmetit, Rolanda Nasta konfirmoi zyrtarisht se nuk ka asnjë të lënduar .

Ndërkohë, inspektorët janë ende në terren për të verifikuar dëmet e shkaktuara nga tërmeti i paradites së sotme.