Për Partinë Demokratike, qeveria Rama ka dështuar me sukses në lidhje me ekonominë e vendit.

Këshilltari për ekonominë në PD, Dorian Teliti, i ftuar në emisionin "Ekopolitikë" të gazetares Aurora Sulçe, renditi dhe arsyet mes tyre rritje e taksave, çmimit të energjisë, abuzimi me fondet, etj.

Teliti: Protestojmë se u janë ngritur taksat juve, protestojmë se është rritur energjia elektrike, protestojmë se ka korrupsion, protestojmë se ka abuzime me fondet publike, protestojmë se jepen PPP, koncesionet pa të drejtë.Gjithë kauza jonë politike kryesisht është e fokusuar në aspektin ekonomiko-social.

Të bëjmë një protestë apo të kundërshtojmë qeverisjen për gabimet që bën në aspektin ekonomiko-social dhe të shkojmë ne të shkatërrojmë ekonominë kjo nuk shkon. Prioriteti jonë është gjithmonë ekonomia, jo vetëm i opozitës shqiptare, por çdo partie.Pastaj si menaxhon atë situatë, si e menaxhon ekonominë, politikat sociale është tregues suksesi apo dështimi. Ne jemi në qëndrimin tonë që qeverisja aktuale ka dështuar me notën 10.