Një tjetër ngjarje e rëndë ka ndodhur sot në brigjet shqiptare. 

Një turiste polake është mbytur teksa ishte me pushime në Sarandë. Mësohet se shtetasja Noworycka Peter Lwona, 52 vjeç, ka humbur jetën teksa notonte tek një plazh në vendin e quajtur “Kanali i Çukës”. Policia dhe ambulanca ndodhen në vendngjarje.

Turistja është personi i tretë që mbytet brenda pak orëve në plazhet shqiptare. Po sot dy burra humbën jetën ndërsa ishin në bregdet.

Informacion paraprak:

Më datë 07.07.2018, tek vendi i quajtur ”Kanali Çukës”, është mbytur shtetësja N.I., 52 vjeçe, banuese në Poloni.

Grupi hetimor po punon për zbardhjen e plotë të rrethanave të ngjarjes.