Sezoni turistik ka nisur me sigurinë më të ulët publike që shënohet në vendin tonë në vitet e fundit. Përveç faktit që nuk ka siguri në plazhet e ujit, mungesës së rojeve të plazhit, tashmë një nga problemet kryesore që pushuesit po hasin është rendi dhe qetësia publike.
Ngjarja e mbrëmjes së djeshme, ku disa të rinj u rrahën në Dhërmi, në prani të fëmijëve dhe grave në një lokal, u përdorën edhe armë.
Një 23-vjeçar u fut në mes të lokalit, dhe sikur të mos kishte ndodhur asgjë qëlloi në ajër, teksa të pranishmit janë larguar në panik e sipër.
Edhe pse zona në fjalë është një nga më të frekuentuarat, aty nuk ka pasur asnjë policë. Madje, policia ka shkuar me vonesë, burime i thanë 55news.al se policia ka shkuar 2 orë pas ngjarjes, ndërsa nga të shtënat ka pasur të plagosur.
Policia reagoi tepër vonë lidhur me ngjarjen, madje në njoftimin e policisë u tha se ai ka qëlluar në ajër.
Por, në spital ka shkuar një qytetar i cili ka ngelur i plagosur në këmbë nga plumbat e shtëna nga i riu.
Policia e Shteti jo vetëm nuk po arreston banditët por madje edhe i mbron siç ishte rasti në fjalë.
E të mos flasim për turizëm, sepse asnjë nuk bën pushime mes plumbave.