Kreu i Hipotekës refuzon të vërë në dispozicion të Kuvendit hartën e zonës ku ndodhet Teatri Kombëtar, duke u bërë kështu një kamikaz në mbrojtje të aferës së madhe korruptive te Teatri.
Kryetarja e Komisionit të Edukimit, mjeteve të komunikimit dhe Kulturës, Albana Vokshi në fillim të seancës dëgjimore me kreun e Hipotekës, Valdin Pjetri tha se “Kemi kërkuar nga ju informacione për çështjen e pronësisë së truallit të Teatrit. Kemi kërkuar edhe hartën e truallit, por kjo nuk është vënë në dispozicion. Nuk e di se në cilën dispozitë është e përcaktuar që ju nuk jepni hartën. Besoj se keni marrë urdhër”.
