Komisioni Europian ka njoftuar sot se qytetarët e Kosovës shumë shpejt do të lëvizin të lirë nëpër Europë, duke u hequr vizat.

Lajmi ka gëzuar politikën e Prishtinës, por edhe atë në Tiranë.

Ish-kryeministri Sali Berisha ka përshëndetur vendimin e marrë nga KE-ja, ndërsa thotë se është edhe vlerësim për punën e rëndësishme të bërë nga autoritetet dhe qytetarët e Kosovës.

Urimi i ish-kryeministrit Sali Berisha për Kosovën:

Një urim të përzemërt për qytetarët dhe autoritetet e Kosovës!

Të dashur miq, sot Komisioni Europian njoftoi lajmin e shumëpritur dhe plotësisht të merituar për heqjen e vizave për qytetarët e Kosovës.

Ky është një vlerësim i drejtë i arritjeve reale të rëndësishme të autoriteteve dhe qytetarëve të Kosovës në plotësimin prej kohesh të standardeve që bëjnë të mundur një vendim të tillë historik.

Urime të përzemërta!