Një organizatë shqiptaro-rumune e cila merrej me aktivitete kriminale, kryesisht me shfrytëzimin e vajzave për prostitucion është goditur nga policia italiane.

Në kuadër të këtij operacionijanë arrestuar pesë persona ndërkohë 14 të tjerë janë ende nën hetim.

Mediat italiane ka zbuluar të dhëna tronditëse për grupin që rekrutonte vajza edhe duke i blerë te prindërit.

Madje, në një rast, është zbuluar një përgjim ku babai i thotë trafikantit “thyeja njërin krah vajzës nëse sillet keq”.

Ndërkohë, në një tjetër përgjim, vajza dëgjohet duke i thënë të atit se “më shite me çmimin e një makine”.

Vajzat që shfrytëzoheshin ishin kryesisht nga Rumania, dhe ishin të moshës nga 20 deri në 40-vjeçe. Ato punonin në rrugë për organizata kishte edhe ambjente ku ushtrohej aktiviteti.

Lidhur me këtë çështje, policia italiane ka prangosur shtetasit Dashnor Ilmica, 31 vjeç (shqiptar), i arrestuar 14 Korrikun e shkuar në provincën e Rovigo-s, Gentian Bregu, 35 vjeç (shqiptar), Romeo Costel Iordache (rumun) 28 vjeç, Idriz Merdita (shqiptar) 28 vjeç, i dëbuar më pas nga territori italian me urdhër të autoriteteve atje. Në arrest shtëpiak është vënë italiania, Pamela Balsamo, 33-vjeç e cila ishte bashkëpunëtore e grupit.

Rumuni Romeo Costel Iordache dhe shqiptari Gentian Bregu cilësohen nga hetuesit si “kokat” e grupit.

Kjo bandë, veç shfrytëzimit të prostitucionit merrej edhe me shpërndarje droge, grabitje, zhvatje dhe trafik klandestinës.