Një 31 vjeçar është arrestuar pasi akuzohet se ka kanosur me armë 2 të rinj. Ngjarja është shënuar në vendin e quajtur “Kryqëzimi i Kurjanit” në Fier.
Bushi Hatillari, 31 vjeç, banues në Roskovec u arrestua pasi " pas një konflikti për motive të dobëta ka kanosur me armë zjarri tip pistoletë shtetasit J.T, 27 vjeç, banues në Kurjan dhe D.H, 35 vjeç, banues në Vadhishtë"
Në cilësinë e provës materiale u bë sekuestrimi i armës së zjarrit tip pistoletë "ZASTAVA" së bashku me krëhërin e saj, 6 fishekë pistolete dhe 1 gëzhoje arme zjarri tip pistoletë.
Materialet i kaluan Prokurorisë pranë Gjykatës së Shkallës së Parë Fier për veprat penale "Kanosja" dhe "Prodhimi dhe mbajtja pa leje e armëve dhe municionit luftarak" të parashikuar nga Nenet 84 e 278 të Kodit Penal.
