Një trafik i rënduar është ndeshur këtë të shtunë në aksin rrugor Fier-Levan, ku shkak është bërë rritja e fluksit të pushuesve drejt bregdetit të jugut për fundjavë.

Radha e automjeteve nis prej unazës lindore të Fierit dhe ka vazhduar deri në Levan ku ndahen drejtimet e lëvizjes për në Tepelenë. Përgjatë gjithë këtij aksi rrugor prej gati 9 km ka qenë i ngarkuar në trafik nga vargu i automjeteve të pushuesve.

Në ndryshim nga herët e tjera ky aks rrugor nuk ka pasur prezencë të punonjësve të policisë së qarkullimit. Fluksi i makinave zgjaton në të gjithë gjatësinë e rrugës Fier-Levan duke vijuar edhe brenda në qytet.

Shkak i kësaj situata është mospërballimi i këtij trafiku nga rruga në fjalë Levan-Fier e cila është tepër e ngushtë. Kjo është rruga e vetme nga shkarkohet trafiku jo vetëm nga autostrada Levan-Vlorë, por dhe Vlorë -Tepelenë.