Edhe këtë fundjavë Policia Rrugore e Tiranës ka kontrolluar me rreptësi siçdo fundjavë, autostradën Tiranë-Durrës, e cila ka qarkulim të dendur në verë në orët e vona. Rasti më i rëndë që Policia ka konstatuar dhe ka arritur të ndalë në kohë, ishte ai i një 46-vjeçari me iniciale Xh. D. që qarkullonte me një Benz B-Class i cili lëvizste me 140 km/h, ndërsa rezultoi se ishte edhe i dehur.

Policia njoftoi se "disa shkelje, per shkak te rrezikshmerise, konsiderohen te renda, ashtu siç ështe ai i drejtuesit te mjetit Benz B-Clas, 46 vjeçari Xh.D: Kombinim i shpejtesise mbi normat e lejuara 140 km/h dhe drejtimi i mjetit me kete shpejtesi nen efektin e alkoolit ne masen 0.39 mg/l". "Më shumë se kaq nuk mund te bente nje drejtues mjeti per te rrezikuar seriozisht jeten e tij, te atyre qe e shoqerojne por edhe perdoruesve te tjere te rruges. Duaje jeten, drejto me kujdes", thuhet në komunikatën e Policisë së Tiranës.