Në orët e para të mëngjesit u raportua për një makinë së cilës i ishte vendosur eksploziv pranë Drejtorisë së Policisë Vlorë.
Por pas verifikimeve forcat xheniere deklaruan se në ‘BMW’ me targa AA 895 TX, nuk kishte lëndë plasëse.
Sapo mori njoftimin policia e Vlorës rrethoi zonën ku ishte parkuar mjeti në lagjen "Kushtrimi".
Nga ora 6 i mëngjesit deri në orën 10:00 pati një kontroll të detajuar nga forcat xheniere
Edhe pse nuk ka një njoftim zyrtar për këtë rast pronari i makinës i identifikuar si Gazi Merkaj nga Fieri është shoqëruar për tu marrë në pyetje.
Ai është një emër i njohur për policinë pasi ka qenë i dënuar me 8 vjet burg për grabitje.