Presidenti i Republikës, Ilir Meta, gjatë vizitës në travat shqiptare në Mal të Zi ka vizituar edhe kullën mbi 200-vjeçare të Çelajve në Vuthaj.
Presidenti shkruan në Facebook se kjo kullë bart histori të lavdishme.
“Kënaqësi e veçantë të vizitoja sot kullën mbi 200-vjeçare të Çelajve në Vuthaj, që bart histori të lavdishme dhe ruan traditat më të çmuara kombëtare e njerëzore të kësaj treve. Mirënjohje të pakufishme për Ramokun, Bjeshkën, Arbëreshën, Antigonën, Asdrenin, Arditin e të gjithë Çelajt që përkujdesen me aq përkushtim e dashuri për këtë trashëgimi shqiptare”, shkruan Presidenti Meta.