Policia ka shpallur në kërkim Sajmir Kolaverin, pasi ky person dyshohet se ka qenë porositësi për vendosjen e tritolit në banesën e Gazmir Dacit në Kamëz.
Kjo vjen një ditë pasi gjykata la në burg 23-vjeçarin Vilson Brahja, i cili akuzohet për vendosjen e tritolit, ndonëse ai nuk tregoi se kush ishte porositësi.
“BalkanWeb” shkruan duke iu referuar burimeve të policisë se i dyshuari është pikërisht Kolaveri, i shpallur në kërkim.
Kolaveri lidhet me shpërthimin e tritolit në 27 korrik në Bathore, pasi Gazmir Daci është i dënuar me burg për vrasjen e Valmir Kolaverit dhe plagosjen e vëllait të tij, Robertit.
Ndaj pista e hetimit është ajo e hakmarrjes. Valmir Kolaveri u vra nëntorin e vitit të kaluar në Kamëz,dhe për këtë ngjarje u arrestua pikërisht Gazmir Daci.