Konfirmohet në detyrë Gentjan Osmani, prokurori i Krimeve të Rënda, gjithashtu zv. drejtues i kësaj prokurorie.

Këtë vendimi, Komisioni i Pavarur i Kualifikimit e shpallë vetëm pak çaste më parë.

Përmendim se Osmani është një ndër 3 prokurorët, që po heton dosjen e ish-deputetit dhe ish-ministrit të Brendshëm, Saimir Tahirit.

Vendimi për Osmanin do të shpallet rreth orës 12:00. Në seancën e kaluar dëgjimore, KPK foli për një apartament me sipërfaqe 96 metra katrorë të blerë në vitin 2017 për 82 mijë euro.

Si burim të ardhurash për blerjen e këtij apartamenti janë deklaruar shitja e një apartamenti 1+1 me sipërfaqe 62 metra katrorë për 80 mijë euro, si edhe 2 mijë euro kursime familjare.

Por sipas KPK-së, problem për prokurorin paraqet blerja në vitin 2009 e apartamentit 62 metra katrorë, që më pas u shit për të financuar apartamentin 96 metra katrorë, të përmendur më lart.

Sipas KPK-së, Osmani nuk e justifikon kthimin e borxhit prej 20 mijë eurosh, që ka deklaruar se ia ka marrë një kushëriri për të blerë apartamentin.