U mbajti fshehur për dy ditë me radhë vendosja e një zjarri të qëllimshëm në çerdhen nr.1 në Dibër. Detajet në media u bënë publike vetëm sot, ndërsa policia heshti. Burime të 55news thonë se zjarri është vendosur qëllimisht ndërsa policia vazhdon të këmbëngulë se zjarri ka qenë aksidental.
Ende nuk dihet qëllimi i vërtetë i vendosjes së zjarrit në një institucion kaq të ndjeshëm, pasi në ambjentet e saj mbaheshin fëmijët e banorëve të zonës.
Paaftësia e Bashkisë dhe kryebashkiakut Muharrem Rama për të menaxhuar institucionin në varësi të saj, por edhe dyshimet për fshehjen e këtij informacioni kanë bërë që çerdhja të merret në mbrojtje nga Kryqi i Kuq.