Departamenti Antikorrupsion në PD, ka denoncuar faktin e shitjes së aksioneve nga Sinan Idrizi, një shoqëria të krijuar vetëm 9 ditë para VKM.

Ja statusi denoncuar në FB i Departamentit Antikorrupsion i PD:
“Shoqëri e Sinan Idrizit, “MDN INVESTMENT”, e krijuar 9-ditë përpara se Këshilli i Ministrave me vendim, në këmbim të sekserllëkut, ta bënte ortake të shoqërisë fitimprurëse “Air Albania”, ka marrë vendim, e thenë, pak i dyshimtë, për të shitur 77% të kuotave që zotëronte i vetëm S. Idrizi.
Aktet për transferimin e kuotave, vendimi i asamblesë dhe kontrata e shitblerjes së kuotave, flasin vetë për seriozitetin e shoqërisë, që Rama e bëri pjesë të shoqërisë së transportit ajror “Air Albania”.
Është e qartë që ajo që di të bëje më mirë Sinan Idrizi, është sekserllëku. Respektimi i formaliteteve është punë e panjohur për të. E megjithatë në këtë drejtim, nuk është më lart as qeveria”.