Kryeministri Rama vazhdon me publikimin e fotove dhe videove të ndryshme duke treguar ndryshimin sipas tij që i ka ndodhur vendit nga puna e qeverisë.

Ai ka publikuar një foto në rrjetet sociale nga qyteti i Vlorës ku ka ‘ironizuar’ skeptikët për projektin “Lungo Mare”.

Foton e publikuar ai e shoqëron me fjalët “ Po të ma çonin këtë foto para dy vjetësh e më shkruanin shih ç’bëhet për Maratonën e Këngës në Vlorë, do thosha Kush po tallet keq me mua”.

Por duket se kryeministri ka “harruar” se si përmbytet “Lungo Mare” në periudhën e reshjeve. Mbase po ti dërgonin dhe foto nga përmbytja do t’i dukej sërish se po talleshin me të, pasi në një projekt që u shpenzuan shumë para diçka e tillë s’do duhej të ndodhte në mënyrë permanente./fw