Tre persona kanë humbur jetën në një aksident mëngjesin e sotëm në kryeqytetin e Uellsit, Cardiff.

Sipas mediave të huaja, nga përplasja e rëndë me kamionin, kanë vdekur të tre burrat që ndodheshin në mjetin tip “Ford Focus”. Ngjarja thuhet se ka ndodhur në orën 4 të mëngjesit të sotëm, e ndërsa autostrada ka qëndruar e mbyllur deri në mesditë.

Sakaq, zyrtarët vendas janë shprehur se tre burrat janë dërguar me urgjencë në spital, por fatkeqësisht nuk kanë mundur të shpëtojnë si pasojë e plagëve të shumta.