Banka italiane UniCredit ndërpreu përdorimin e Facebook për reklamim, duke pretenduar se gjiganti i medias nuk ka vepruar në mënyrë etike. Këtë gjë kanë kërcënuar ta bëjnë edhe shumë banka të tjera të mëdha.
Jean Pierre Mustier, shefi ekzekutiv i bankës, tha se grupi financiar italian nuk do të ketë marrëdhënie biznesi me Facebookun sepse këta të fundit nuk kanë vepruar siç duhet. Kjo,referuar aktiviteteve të biznesit duke përfshirë dhe fushatat reklamuese. Banka momentalisht ka llogaritë e saj në Facebook – të cilat përditësohen rregullisht.
Facebook nuk pranoi të komentojë.
Disa kompani kanë ndaluar në mënyrë aktive të gjitha reklamat në Facebook. Në fund të korrikut, aksionet e Facebook ranë mbi 20 për qind pasi të ardhurat e tremujorit të dytë treguan shenjat e para të pakënaqësisë së përdoruesve në mes të skandaleve publike mbi privatësinë dhe përmbajtjen.
