Vetëm disa minuta rrebesh shiu kanë qenë të mjaftueshme që pas mesdite pothuajse të gjitha rrugët e Durrësit janë nën ujë.

Në disa kryqëzime e rrugë të qytetit ujërat e zeza kanë dalë në sipërfaqe, duke u përzier me ujërat e larta, e për pasojë kanë pushtuar edhe një pjesë të trotuareve.

Ndërkohë trafiku në këtë qytet paraqitet i rënduar dhe ka vështirësi në qarkullim për këmbësorët.

Ndërsa sipas IGJEUM në çdo qark, në zona të caktuara priten dhe shtrëngata të shkurtra shiu, të ngjashme me ato që pushtuan vendin dje.