Para pak minutave një ngjarje e rëndë ka ndodhur në zonën e Unazës së Re në kryeqytet, ku një burrë rreth 60 vjeç ka rënë nga ballkoni. Nga raportimet e para mësohet se fillimisht personi është përplasur mbi një tendë të një lokali dhe më pas ka rënë në tokë.
Ngjarja ka ndodhur tek vendi i njohur ndryshe si “Pallati i Pelivanit”. Pranë tij kanë shkuar banorë dhe më pas punonjës të policisë, ndërkohë që është lajmëruar edhe ambulanca.
Personi i plagosur është dërguar në spital. Pranë vendit janë mbledhur njerëz të shumtë duke bërtitur dhe duke u përpjekur të ndihmojnë personin e shtrirë në rrugë.
Dyshohet se burri vuante nga depresioni dhe është vetëhedhur nga ballkoni i katit të 4-t. Ai është dërguar me shenja jete në spital.