Mes 18 viktimave që do t’u jepet sot lamtumira e fundit në funeralin shtetëror në Genova, ndodhen edhe trupat e dy shqiptarëve Admir Bokrina dhe Marjus Djerri.

Trupat e dy të rinjve shqiptarë janë vendosur pranë njëri tjetrit të mbuluar me flamurin kombëtar, ndërsa familjarë miq e të afërm, mes lotësh po i japin lamtumirën e fundit.

Ndërkohë rikujtojmë edhe faktin se shumë familje kundërshtuan funeralin shtetëror, ndërsa 20 viktima u varrosën dje në rite private, shkruan ‘Tgcom’. “Nuk duam një ceremoni farsë”, tha dje babai i një prej 4 viktimave nga Torre del Greco.