Policia italiane ka vënë në pranga dy 28-vjeçarë nga Shqipëria pasi ka zbuluar një plantacion të tërë me marijuanë në një zonë të pyllëzuar në San Sebastiano, përgjatë brigjeve të lumit Po. Të arrestuarit janë Artur Kurti dhe Massimo Vlashi, të dy të pastrehë.
Plot 391 bimë narkotike në një lartësi prej dy metrash u gjetën të mbjella në vazo.
Nga ana e policisë u sekuestruan gjithashtu 4 kg marijuanë në proces tharje, 3 kg marijuanë e tharë gati për shitje si dhe materiale të ndryshme për kultivimin, prodhimin dhe shitjen e narkotikëve.
