Dhjetëra infermierë janë ngritur në protestë në këto momente përpara QSUT-së Tiranë. Shkak i kësaj proteste është bërë pagesa për parkimin vetëm për infermierët.
Kreu i Shoqatës së Infermierëve Elson Jaçaj është shprehur se për mjekët parkimi është falas, ndërsa infermierët duhet të paguajnë çdo ditë 100 lekë. Sakaq, Jacaj theksoi se do i lënë 2 javë kohë ministrisë së Shëndetësisë deri në zgjidhjen e problemit.
“U lejmë dy javë kohë që të pajisin me karta infermierët. Në shtator do të kërkojmë edhe rritja pagash. Mjeku paguhet edhe për të shtunën dhe të dielën. Të gjithë marrin shpërblim infermierët jo. Shumë infermierë i kanë kërcënuar që të mos shkojnë në protestë se do i nxjerrin nga puna. Në shtator do bllokojmë tre hyrjet kryesore nëse infermierët nuk pajisen me kartë për parkimin pa pagesë”, tha ai.
