Organizata Botërore e Shëndetësisë ka njoftuar se rastet e epidemisë së fruthit kanë shënuar një rritje të ndjeshme në Evropë në krahasim me vitet e kaluara.

Sipas OBSH-së në 6 muajt e parë të këtij viti mbi 41 mijë persona në Evropë janë prekur nga sëmundja, ndërsa 37 kanë humbur jetën.

Shqetësim kryesor përbën fakti se shumica e të prekurve janë në Ukrainë, me mbi 23 mijë raste gjatë 2017-s. Ndërsa në të gjithë Europën për vitin 2016 numri i të prekurve ishte 5.273.

Numri më i madh i vdekjeve ka ndodhur në Serbi me 14 persona.