Ende vazhdojnë flakët në pyllin e Semanit. Deri më tani raportohet se 2 hektarë shkurre dhe pisha janë djegur. Edhe pse 4 zjarrfikës prej orësh po punojnë me flakët mesa duket zjarri nuk është vendosur nën kontroll pasi është kërkuar ndihma me helikopter.
Mësohet se një helikopter i Forcës Ajrore ka ndërhyrë për shuarjen e flakëve të zjarrit. Helikopteri tip Cougar i Forcave të Armatosura ka është i pajisur me kovat e posaçme me kapacitet 2500 litra ujë.
Kovat u instaluan në helikopterët e FA dy muaj me parë dhe kanë rritur me 7 herë kapacitetin për përballimin e emergjencave civile.
Vetë prefekti i qarkut Fier u shpreh se zjarri nuk ka qenë i qëllimshëm por ndoshta nga pakujdesia e turistëve.
