Një fermer nga Struma e Fierit, i cili merret me kultivimin e kastravecit ka hedhur të gjithë prodhimin e këtij viti. Shkak është bërë mungesa e tregut dhe mbetja e prodhimit stok.

Këtë vit familja e Agron Ruoks ka mbjellë 7 dylym me domate dhe 3 me kastraveca, duke bërë që kostoja e shpenzimit të shkojë mbi 4 milion lekë.
Ky është i vetmi fermer që kultivon kastraveca në këtë fshat.

Ai thotë se prodhimi është duke u prishur, ndërsa kërkon ndihmë nga shteti.

Kujtojmë se pjesa më e madhe e banorëve në këtë zonë merret me kultivimin e prodhimeve bujqësore në sera.