Që prej ditës së djeshme vazhdojnë të përparojnë flakët e zjarrit në masivin pyjor të Semanit. Mësohet se sipërfaqja e djegur ka arritur deri në 7 hektarë.
Bëhet me dije se 40 efektivë të Batalionit të Mbështetjes Rajonale të Poshnjes po nisen drejt Semanit, për shuarjen e flakëve.
Po ashtu e efektivët e Foracave të Armatosura, janë marr si përforcime për shuarjen e vatrave të zjarrit të mbetura në pyll.
Kërkesa për efektivë të Foracave të Armatosura ka ardhur nga Prefekti i Fierit, Baki Bala dhe Qendra Kombëtare e Emergjencave Civile.
Kujtojmë se një ditë më parë një helikopter i Forcave të Armatosura u angazhua për shuarjen e zjarrit nga ajri.
Gjatë natës së mbrëmshme janë hapur kanale për të penguar avancimin e flakëve, por pavarësisht këtyre masave zjarri ka përparuar pasi është ndihmuar nga puhiza detare
Sipas burimeve nga emergjencat civile, gjendja është nën kontroll, por nuk është bërë e mundur ende të shuhen flakët e zjarrit përfundimisht.