Kurora e gjelbër e Lushnjës ka marrë flakë që në orët e para të mëngjesit të sotëm.
Mësohet se zjarri, ka arritur të djegë hektarë të tërë të mbjella me ullishte, por edhe sipërfaqe me shkurre të larta në kurorën e gjelbër të Lushnjës.
Fillimisht flakët kishin nisur në një prej luginave të kodrave të qytetit në afërsi të Kasharajt.
Terreni kodrinor i ka vënë në vështirësi zjarrfikësit, pasi nuk i krijon asnjë mundësi të shkojnë me mjetin me ujë.
Edhe pse banorët dhe zjarrfikësit po luftojnë prej orësh me flakët, ende nuk është mundur të vihet në kontroll zjarri.
Miliona lekë pasuri e banorëve të zonës në drufrutore janë duke u shkatërruar nga zjarri. Deri tani flitet për rreth 10 hektarë sipërfaqe kryesisht me ullishte dhe zjarri vijon ende.
