Presidenti i Republikës Ilir Meta vizitoi ditën e sotme Sarandën, në kuadër të nismës që ka ndërmarrë “Aleanca për Dhurimin e Gjakut”.

Punonjës të administratës vendore, qytetarë të shumtë sarandiotë, të rinj e të reja, mes të cilëve shumë turistë shqiptarë të cilët po kalojnë pushimet verore në qytetin jugor iu bashkuan nismës së ndërmarrë nga Presidenti i Republikës.

Postimi i plotë i Presidenti në Facebook

Kënaqësi e veçantë të takoja sot në qytetin e mrekullueshëm të Sarandës, qytetarë të shumtë, që pavarësisht impenjimeve për shkak të sezonit turistik, me dëshirë e vullnetarizëm, iu përgjigjën thirrjes për një seancë dhurimi gjaku.

Falënderoj Kryetaren e Bashkisë së Sarandës, znj.Florjana Koka, e cila bashkarisht me shumë sarandiotë, iu përgjigj “Aleancës për Dhurimin e Gjakut”.

Jam i sigurtë që kjo fushatë ndërgjegjësimi për këtë kauzë jashtëzakonisht humane do të vijohet edhe në të ardhmen për të përmbushur qëllimin e saj fisnik dhe qytetar!🇦🇱