Një 27-vjeçare greke, e cila në dhjetor të vitit 2017 vrau shqiptarin Valton Loka është dënuar me burgim të përjetshëm.

35-veçari shqiptar u vra nga fqinja e tij në Kretë. Kujtojmë se vajza e re ishte përdoruese e drogës, ndërsa fqinji i saj, Valtoni, kishte shkuar në banesën e saj t’i ofronte ndihmë, pasi ajo po bërtiste.

Pavarësisht tentativës së tij për ta ndihmuar, babai i dy fëmijëve, 15 dhe 7 vjeç u qëllua barbarisht me thikë.

Edhe pse fqinjët njoftuan menjëherë ambulancën për ta transportuar me urgjencë drejt spitalit, plagët e marra rezultuan fatale për shqiptarin.

Ndërkohë, në seancën gjyqësore të sotme autorja sulmoi me fjalë të ashpra bashkëshorten e viktimës, madje u desh ndërhyrja e policisë që të qetësonte gjakrat. Familja shqiptare është larguar nga Ksiropotamo Iraklio ku banonte shume vite menjëherë pas tragjedisë.