President i Eurochamber, Dhomës Europiane të Tregtisë dhe Industrisë, Christofer Leitel, i pranishëm në Shqipëri në një intervistë televizive thotë se Shqipëria e ka të domosdoshme të marrë masa për forcimin e zbatimit të ligjit dhe luftën ndaj korrupsionit

Sipas tij kjo situata me korrupsionin është një pengesë e madhe për procesin e integrimit të Shqipërisë në BE por edhe për zhvillimin ekonomik.

 “Janë disa vende të rajonit që aspirojnë integrimin dhe këto gjashtë vende nuk kanë pasur zhvillime në tregtinë e brendshme në dekadën e fundit. Pyetja ime është nëse këto vende nuk janë të afta për të pasur zhvillim të brendshëm si do t'i përballojnë kompeticionet e forta në tregun europian? Kjo do të thotë që këto vende duhet të forcojnë marrëdhëniet tregtare mes tyre. E dyta, secili nga këto shtete që duan anëtarësimin në 2025 duhet të plotësoje 2 kritere, dhe këtë po e them shkurt, sundimi i ligjit dhe jo korrupsion. Nëse këto kritere nuk do të përmbushen atëherë nuk do të ketë anëtarësim, ta themi këtë qartë dhe premtimet për këto nuk janë të mjaftueshme. Gjithashtu unë jam i informuar që Shqipëria po ndryshon legjislacionin e saj dhe janë duke bërë rregulla më të mira. Të implementosh ligjet është një gjë dhe të jetosh dhe ti transmetosh këto ligje në realitet është diçka tjetër dhe për këtë përfaqësues të bizneseve si këto të dhomave duhet të përfshihen dhe të japin kontributin e tyre për këtë”, shprehet Leitel.