Situata e rendit në vend çdo ditë e më shumë bëhet me e paparashikueshme.  Një ngjarje e rëndë ka ndodhur gjatë natës së mbrëmshme në Pogradec.

Një sasi tritoli mësohet se ka shpërthyet në banesën e një biznesmeni. Ngjarja ka ndodhur në lagjen numër 1 të qytetit liqenor.

Banesa është në pronësi të Bajram Fejzollari, pronar i ‘Tv sot 7’ në Pogradec. Po ashtu në pronësi të tij janë dhe disa lokale në Korçë dhe në Pogradec.

Vetë Fejzollari ka deklaruar në polici se ai nuk ka pasur asnjë konflikt me ndonjë person, shkruan Faxweb. Shpërthimi ka ndodhur pak pas mesnate dhe sipas policisë nuk ka dëme materiale, por punohet për identifikimin dhe kapjen e autorëve që kanë vendosur lëndën shpërthyese.