184 milionë euro do të investohen muajin e ardhshëm në ishullin Skorpios në Detin Jon, nga manjati rus Dmitry Rybolovlev.

Sipas AMNA, projekti do të përfshijë ndërtimin e 12 ose më shumë vilave luksoze, secila me një sipërfaqe totale prej 500 deri në 1.200 m², me një kapacitet total prej 48 shtretërish dhe lehtësirave të tjera shoqëruese, si SPA-s, restorante dhe një marinë.

Fusha sportive për golf, tenis, basketboll dhe futbolli gjithashtu do të ndërtohen në Skorpios.

Qëllimi i familjes Rybolovlev është krijimi i kompleksit të parë të akomodimit luksoz në Greqi, që ndodhet në një ishull privat që është një nga të paktët në mbarë botën.

Ishulli i Skorpios, i cili u ble rreth pesë vjet më parë nga trashëgimtari i manjatit të anijeve Aristoteli Onassis, Athena, është përcaktuar si Natura.

Kjo do të thotë që jo më shumë se 5 për qind e ishullit mund të ndërtohet, prandaj zhvillimi i tij bëhet me hapa shumë të kujdesshëm dhe në harmoni të plotë me mjedisin.