Procesi i kalimit të transmetimeve nga analoge në dixhitale, shkaktoi një furtunë reagimesh në vendin tonë.
Por dixhitalizimi është një udhëzim dhe i BE-së, po ndryshe nga sa thuhet regjimi DVB-T2 që po aplikohet në vendin tonë është shumë i përparuar.
Vetë vendet e BE-së vetëm në 2022-shin synohet që të kenë 70% të teleshikuesve në këtë regjim.
Denoncimi është bërë nga deputeti i LSI-së Edmond Panariti, i cili thotë se ky regjim privon shqiptarët nga e drejta kushtetuese e informimit.
Reagimi i Panaritit:
Lexojeni qartë Bashkimin Evropian! Synimi është që në vitin 2022, vetem rreth 70% e teleshikuesve evropiane të kalojne në regjimin dvb – T2. Nderkohe vendet evropiane mund te mbajne lirshem regjim transmetimi te dyfishte dvb – t dhe dvb – T2. Po Shqiperia?! Shqiperia fik sinjalin dhe paralizon dvb-t!! Për të liruar frekuenca ne dobi të oligarkeve për qellime të tjera!
Me mijra teleshikues kanë vetëm një zgjidhje! Ose te blejne “kanoce” dekoder, ose te hedhin ne kazan edhe televizoret smart te prodhuar deri vjet dhe te blejne aparate te rinj. Ne te dy rastet, dihet se kush fiton dhe kush e peson! Shqiperia tejkalon me kater vite BE, duke imponuar ne menyre te dhuneshme te populli shqiptar nje regjim transmetimi, i cili kerkon shitje blerje te kanoceve. Nderkohe që BE nuk e ben kete për qytetaret e saj! Ky regjim privon nga e drejta kushtetuese e informimit popullin dhe duhet ndaluar.
